Baz blog

غزل

11.11.2007 08:32

               
د غيرت او ننگ جذبه لا د پښتون شته
څو يې تن کې لا يوه قطره د خون شته

که ماضي په زنده گۍ چړې سرې کړي
اميدونه مستقبل ته د ژوندون شته

د ظلمت تياری که شته دی لا خو شپه ده
پسې وار هم د روښانه سباوون شته

که فلک راباندې خپلې چارې وکړې
راته زيری د زما د اوښتون شته

که د وخت څپيړو موږ سره جلا کړو
دې ټوټې ټوټې ولس ته پيوستون شته

که منزل څومره مشکل وي پروا نه شتٍه
حوصله لا د عابد سره د يون شته