Baz blog

غزل

11.11.2007 13:56

                           
ستړی ستړی ريز مريز يم، د ژوندون په گرانه لاره
لکه غږ وي چا ته شوی، د جنون په گرانه لاره

د وجود په ملکيت مې، د خونريز لښکر قبضه ده
هر احساس زخمي زخمي دی، د بدلون په گرانه لاره

دا منزل مو ناتمام دی، دغه هيلي سرابي دي
د ناياب سفر په لوري، د گردون په گرانه لاره

قافله د پښتنو ده، د دې دور بې سالاره
يو جرس د نهيلو شي، تل د يون په گرانه لاره

يو اقرار دی بس عابد، چې پښتو سره مو کړی
که مشکل وي هم يې پالو، د پښتون په گرانه لاره